20220122 Lâu-Tiōng-kèng twitter: Chhòa-Eng-bûn kè-sêng Chiúⁿ-Keng-kok lō͘-sòaⁿ, sòa-lo̍h-lâi 30 nî Tâi-to̍k-phài kah Hôa-to̍k-phài ê chhia-piàⁿ／劉仲敬twitter：蔡英文繼承蔣經國路線，台灣未來三十年台獨派和華獨派的鬥爭

20220122 Lâu-Tiōng-kèng twitter: Chhòa-Eng-bûn kè-sêng Chiúⁿ-Keng-kok lō͘-sòaⁿ, sòa-lo̍h-lâi 30 nî Tâi-to̍k-phài kah Hôa-to̍k-phài ê chhia-piàⁿ

劉仲敬twitter：蔡英文繼承蔣經國路線，台灣未來三十年台獨派和華獨派的鬥爭

• Lâu-Tiōng-kèng Twitter／劉仲敬twitter
• google bûn-kiāⁿ／google文件

Che sī Tâi-oân bîn-cho̍k le̍k-sú kiàn-kò͘ ê lí-lō͘, Chhòa-Eng-bûn ê lí-lō͘ tō sī giú-cháu “léng-chiàn-nâ” ê soán-phiò. (pau-koat tōa-pō͘-hūn ê “keng-chè-nâ” kah “tì-sek-nâ”) 

這是台灣民族歷史建構的邏輯，蔡英文的邏輯是挖走冷戰藍（包括大部分經濟藍知識藍）選票。

Chit ê chi̍p-thoân tō sī Chu-Li̍p-lûn kóng in pit-su pa-kiat ê tiong-kan soán-bîn. M̄-koh i ê lí-lō͘ ū jio̍k-tiám, tē 1, “léng-chiàn nâ” éng-oán khò-sè Bí-kok; tē 2, in m̄-goān chò bān-nî chāi-iá-tóng ê chi-chhî-chiá. In ê kai-kip ki-chhó͘ lóng sī khò-sè Bí-kok thài-siōng-hông kah pún-tē chip-chèng-tóng hō͘ in ê hó-chhù, nā-sī sit–khì chia-ê “i-nāi lō͘-kèng”, in tō siáⁿ-mih lóng bô–ah. Kah in tian-tò, “Tiong-kok-nâ” kah “chiàn-tàu-nâ” goân-té tō sī piⁿ-á-lâng kah kek-bēng kûn-chiòng.

這個集團就是朱立倫宣稱必須拉攏的中間選民，但他的邏輯有一個弱點，就是冷戰藍第一永遠依附美國，第二絕不會做萬年在野黨的群眾，他們的階級基礎全都來自太上皇和本地政府的雙重恩蔭，放棄依附路徑以後就會一無所有。相反，中國藍戰鬥藍就是邊緣人和革命群眾。

Chu-Li̍p-lûn hāi kiò kan-na i ē-tàng kè-sêng Chiúⁿ-keng-kok kah léng-chiàn chhin-Bí hoán-kiōng ê lō͘-soàⁿ, tō chhin-chhiūⁿ Ong-Cheng-uī kah Chiúⁿ-Kài-se̍k hāi kiò kan-na ka-tī ē-tàng kè-sêng Sun-Tiong-san kâng-khoán. M̄-koh kî-si̍t Chhòa-Eng-bûn nā-sī beh kè-sêng Chiúⁿ-Keng-kok, bōe pí Mô͘-Te̍k-tong kè-sêng Sun-Tiong-san koh khah khùn-lân. “Chiúⁿ-Keng-kok lō͘-sòaⁿ” tō sī hāu-tiong Bí-kok thài-siōng-hông; “Sun-Tiong-san lō͘-sòaⁿ” tō sī kiàn-li̍p tōa-Tiong-kok. Pa̍t-ê kò-jîn chi̍p-thoân ê un-oàn kah tiong-kan hiân-gû, tī chit 2 ê iàu-kín ê “tōa-cheh” bīn-chêng, lóng sī bô tiōng-iàu ê “sió-cheh”. Tâi-Bí chong-phoan koan-hē-bāng nā-sī bô khì, lí tō bô hoat-tō͘ khò sió-cheh tiàm-tī “Chiúⁿ-Keng-kok kè-sêng-jîn” ê ūi-tì téng-koân; tōa-Tiong-kok nā-sī bô khì, lí tō bô hoat-tō͘ tiàm-tī “Sun-Tiong-san kè-sêng-jîn” ê ūi-tì téng-koân.

朱立倫以為只有他才能繼承蔣經國路線或冷戰親美反共路線，就像汪精衛和蔣介石都以為只有自己才能繼承孫中山路線一樣，但蔡英文繼承蔣經國，一點都不比毛澤東繼承孫中山困難，蔣經國路線的實質就是效忠美國太上皇，孫中山路線的實質就是建構大中國，其他私人和集團的恩怨忠奸愚，都屬於大節面前一文不值的小節，如果你失去了台美宗藩關係網，就沒法依靠小節賴在蔣經國繼承人的位置上，如果你失去了大中國，就沒法賴在孫中山繼承人的位置上。

Chèng-tī siōng hiān-si̍t, tùi chhut-kio̍k ê sit-pāi-chiá siōng chân-jím. Sòa-lo̍h-khì ê tē 1 pō͘, tō sī Kok-bîn-tóng hō͘ “Tiong-kok-nâ” kui-óaⁿ phâng-khì, khai-sí kek-bēng-hòa. Tē 2 pō͘, tō sī Tâi-to̍k-phài kah tn̂g-kî chip-chèng-tóng thiah-hóe. Tâi-to̍k-phài kah Hôa-to̍k-chip-chèng-tóng ê chhia-piàⁿ, ē piàn-chó sòa–lo̍h-lâi 30 nî ê chèng-tī hêng-sè.

政治最勢利，對出局的失敗者沒有道義可言。所以接下來的第一步，就是國民黨落入中國藍手中而革命化。接下來的第二步，就是台獨和長期執政黨分裂。台獨和華獨執政黨的鬥爭，構成再下一個三十年的政治結構基礎。

Pe̍h-khu-tóng nā-m̄-sī tī tē 1 ê 30 nî chi-chhî Kok-bîn-tóng kek-bēng, tō sī ài sûi Kok-bîn-tóng khì, kái-chò chi-chhî Bîn-chìn-tóng Hôa-to̍k-phài tn̂g-kî chip-chèng, chhin-chhiūⁿ kòe-khì 30 nî chi-chhî Kok-bîn-tóng hoán-tùi Tâi-to̍k kâng-khoán, thoa-iân Tâi-to̍k-phài siōng bóe-á ê sèng-lī. Tē 1 tiâu lō͘-sòaⁿ, ē ū Tiong-kok tāi-lio̍k chiàn-cheng kah bông-kok bia̍t-chéng; tē 2 tiâu lō͘-sòaⁿ, Tiong-kok ē pak-iûⁿ-hòa, ta̍uh-ta̍uh-á kái-thé.

白區黨要麼在第一個三十年以政治支持國民黨革命，要麼聽任國民黨沒落轉而支持民進黨華獨長期執政，就像在過去三十年支持國民黨反獨一樣，延緩台獨的最後勝利。第一條路線伴隨大陸戰爭和亡國滅種，第二條路線伴隨北洋化緩慢解體。