20220517 Tiong-kok-lâng ī-bô͘ tô͘-sat California kàu-hōe Tâi-oân-lâng ê po̍k-le̍k sū-kiāⁿ／中國人預謀屠殺加州教會台灣人的暴力事件
20220517 Tiong-kok-lâng ī-bô͘ tô͘-sat California kàu-hōe Tâi-oân-lâng ê po̍k-le̍k sū-kiāⁿ
中國人預謀屠殺加州教會台灣人的暴力事件
20220517 Lâu Tiōng-kèng twitter:
Zhongjing Liu | 劉仲敬 @LiuZhongjing
1960 nî-tāi, “pe̍h-khu-tóng” tī Tang-lâm-a ê hêng-tōng, chú-iàu ê te̍k-sek tō sī àm-sat hoán-kiōng siā-khu ê thâu-lâng.
針對反共社區領袖的暗殺活動，是白區黨六十年代在東南亞工作的主要特徵。
Tī tōa pò͘-hûn ê só͘-chāi, in ín-khí sêng-kong ê pâi-Hôa. M̄-koh tī chió-sò͘ tē-khu, pí-lūn-kóng, tī Wa State kap Kokang, Myanmar pak-hong kun-hoa̍t kā 50 nî-tāi chiàm iu-sè ê hoán-kiōng to̍k-phài siau-bia̍t, āu-lâi kè-sio̍k ê chhin-Hôa-phài kun-hoa̍t kàu taⁿ iah koh tī leh.
在大多數地區引起了成功的排華，但也在少數地區例如佤邦果敢和許多緬北軍閥系統基本消滅了五十年代佔優勢的反共獨派勢力，繼而建立的親華派軍閥系統延續至今。
Tāi-lio̍k thé-hē chiām-chiām hêng-sêng, pe̍h-khu-tóng kài ū khó-lêng iū-koh kah í-chá kâng-khoán, ùi tiām-tiām chò-sū piàn-chó po̍k-le̍k oa̍h-tōng.
隨著大陸體系的形成，白區黨再次由韜光養晦轉向暴力是很有可能的。
20220517 Soa-Lô twitter:
Tī California ê Orange County ê tiúⁿ-lo kàu-hōe khui-chhèng, koh àn-sǹg beh iōng khì-iû-tôaⁿ tōa-tô͘-sat ê Tiong-kok hiong-chhiú, khak-tēng tō sī “Hân Fans” gōa-séng tē-2-tài Chiu Bûn-úi, i sī Tâi-tiong it-tiong pit-gia̍p, kah-i kóng ka-tī sī “kàu-siū”, m̄-koh i kái-sêng bô siang-koan keng-giām.
在加州橘郡的長老教會開槍行凶，並預備用汽油彈血洗當場的「中國」暴徒，確定為韓粉外省第二代周文偉，台中一中畢業，他喜歡自稱教授，不過據悉他並無相關經驗。
Chāi-tiûⁿ ê chèng-lâng piáu-sī, i ē-hiáu kóng tâi-gí.
根據證人指稱，他會說台語。
I ē soán-te̍k tī tiúⁿ-lo kàu-hōe tāng-chhiú, eng-kai sī kā FAPA (Formosan Association for Public Affairs) ê sêng-oân tòng-chò bo̍k-piau.
之所以在長老教會行凶，應該是將目標鎖定為 FAPA 成員。
FAPA tō sī tiúⁿ-lo kàu-hōe sêng-oân sêng-li̍p ê iû-sòe thoân-thé, Bí-kok Tâi-oân-lâng tiúⁿ-lo kàu-hōe ê hōe-chiòng tō sī FAPA ê he̍k-sim sêng-oân.
FAPA就是由長老教會成員成立的遊說團體，美國台灣人長老教會的會眾就是FAPA的核心成員。
In m̄-sī it-poaⁿ ê Tâi-oân tông-pau, in tiāⁿ-tiāⁿ ūi-tio̍h Tâi-oân-lâng, khì kàu Bí-kok kok-hōe tōa-thiaⁿ, kah 2-tóng ê chham-gī-oân kái-sek Tâi-oân ê chhú-kéng (m̄-koh tiāⁿ-tiāⁿ mā kan-na Kiōng-hô-tóng chhap lán), iû-sòe Bí-kok kok-hōe thong-kòe tùi Tâi-oân ū-lī ê hoat-àn.
他們不是一般的台灣同胞而已，而是在美國為了台灣人進入美國國會大廳，向兩黨參眾議員解釋台灣的處境(不過通常只有共和黨會理我們)，運作美國國會通過對台灣有利的法案。
20220517 Ông Hông-un bīn-chheh:
Kin-á-ji̍t ē-po͘ tī California ê kì-chiá-hōe, tōa pō͘-hūn ê lāi-iông sī teh kóng eng-hiông i-su Tēⁿ Tat-chì (John Cheng) tī kàu-tn̂g lāi-té ê hêng-tōng.
其實今天下午加州警方的記者會，大部分的內容是講述英雄醫師鄭達志(John Cheng)在教堂內的舉動。
Goân-té kàu-tn̂g lāi-té ê lâng lóng m̄-bat chit-ê hoān-lâng, m̄-koh thiaⁿ i kóng ōe ê khiuⁿ-kháu kài se̍k-sāi, tō hō͘ i ji̍p–lâi chham-ka oa̍h-tōng--ah.
原本教堂人員都不認識這位嫌犯，但聽他講著熟悉的口音，就讓他進來參加活動。
Hoān-lâng lia̍h tio̍h ki-hōe, kā tōa-mn̂g iōng thih-liān só khí-lâi, koh koàn kiông-le̍k-ka ji̍p-khì, liáu-āu tō tùi kàu-tn̂g lāi-té tōa-pō͘-hūn sī thè-hiu sī-tōa ê kàu-iú khui-chhèng. I ê chhia téng koh ū khì-iû-tôaⁿ, kéng-hong kóng che-sī ū ī-bô͘, àn-sǹg tōa kui-bô͘ tó͘-sat ê hêng-tōng.
而嫌犯抓緊時機，把大門用鐵鍊鎖起來、擠了強力膠，然後掏槍出來，對準滿堂大多是退休長輩的教友，車上還有汽油彈，警方說這是預謀過、準備大規模殺人的行為。
52 hòe ê Tēⁿ i-su, bīn-tùi gia̍p chhèng ê hoān-lâng, sin-āu lóng sī pí i koh khah chē hòe ê thè-hiu Tâi-oân tông-pau (koh ū i ka-tī ê ma-ma), i soan-tek siōng-chêng tùi-khòng.
面對持槍的嫌犯，跟身後全部都比他年長的退休台灣同胞(包含自己年邁的母親)，這位台灣出生，52歲的鄭醫師，選擇上前對抗。
I tī Lâm-California chip-gia̍p kài chē nî, ū bó͘ kap chi̍t-tùi ko-tiong tāi-ha̍k ê kiáⁿ-lî, i sī kài chē keng ko-tiong ê sûi-tūi i-seng, koh ū teh kà lâng bú-su̍t, m̄-koán ùi tóe khòaⁿ i lóng sī it-liû–ê.
他在南加州執業多年、有妻子跟一對高中大學的兒女、多所高中隨隊隊醫、還教授武術，不管從什麼角度來評量都是頂尖的。
M̄-koh i soán-te̍k siōng chêng ti̍t-chiap bīn-tùi chhèng-chí, siūⁿ-beh kái-tû hoān-lâng ê bú-chong, kiat-kó hō͘ kīn kī-lî khui-chhèng. Āu-lâi hoān-lâng koh beh khui-chhèng ê sî-chūn chhèng-chí kha̍h-tiâu, bo̍k-su the̍h í-á kā tàn, kî-tha kàu-iú chiah ē-tàng kā i ap-chè.
但他選擇衝上去面對槍，企圖解除嫌犯的武裝，被近距離開槍射擊，最後嫌犯企圖再射時卡彈，此時牧師丟椅子砸中嫌犯，其他教友再壓上去制伏嫌犯。
Kéng-hong jīn-ûi, nā-bô Tēⁿ i-su eng-ióng ê piáu-hiān, che pún-lâi ē piàn-chó chi̍t tiûⁿ kàu-tn̂g lāi-té ok-kut ê tōa-tô͘-sat.
警方認為，沒有鄭醫師的英勇表現，本來這會是一場教堂裡邪惡(evil in the church)的大屠殺。
Tâi-ì i-su Tēⁿ Tat-chì ê koat-tēng kap ióng-khì, choa̍t-tùi sī ENG-HIÔNG, i iōng sèⁿ-miā kā thóng-phài in-ūi chèng-tī tōng-ki ī-bô͘ ê tô͘-sat tóng lo̍h-lâi–ah.
台裔醫師鄭達志的決定與勇氣無疑地稱得上英雄二字，擋下了統派成員基於政治動機的濫殺。
留言
張貼留言