20180906 Lâu-Tiōng-kèng hóng-būn tē 1 chi̍p: Kiōng-sán-tóng thóng-chiàn ê sêng-kong kah sit-pāi／劉仲敬訪談第1集：共產黨統戰的成功與失敗
20180906 Lâu-Tiōng-kèng hóng-būn tē 1 chi̍p: Kiōng-sán-tóng thóng-chiàn ê sêng-kong kah sit-pāi
20180906陳醫師訪談劉仲敬第1集：共產黨統戰的成功與失敗
Lâu-Tiōng-kèng:
Chu-sán kai-kip bîn-chú ê thóng-chiàn ū kài
chē tiong-sim. Chhin-chhiūⁿ tôa-chū-jiân ê ián-hòa kāng-khoán, i bô chi̍t ê
chheng-chhó bêng-hián, ū ì-sek ê chú-thé. Chē chē chú-thé kâng-sî chhia-piàⁿ,
múi chi̍t ê chú-thé bú ê lóng sī té-kî hêng-ûi, mā tō sī Má-khil-su chiok khòaⁿ
bē khí ê hit-khoán ka-pi-koán chheng-tâm chèng-tī-ka kah bû-chèng-hú chú-gī. Pí-lūn-kóng,
siōng tiōng-iàu ê chi̍t-pái thóng-chiàn, tùi hiān-tāi siā-hōe lâi kóng, tō sī
tē it chhù sè-kài tōa-chiàn liáu-āu, in-ūi phó͘-soán chè-tō͘ ê thui-sak kah Bolsheviks
chú-gī tùi thoân-thóng siā-hōe-bîn-chú-tóng ê ui-hia̍p, goân-té tī 19 sè-kí
tùi-li̍p ê chu-sán kai-kip chèng-tóng kah siā-hōe-bîn-chú-tóng ha̍p-chok,
piàn-chó sū-si̍t ê kiōng-sek chèng-tī, hó tùi-khòng hia-ê thé-chè gōa ê
sè-le̍k. Mā tō sī kóng, goān-ì chiap-siu bîn-chú goân-chek chham-ka soán-kí ê
siā-hōe-bîn-chú-tóng í-keng m̄-sī í-chá chū-iû-chú-gī-chiá kong-kek ê bo̍k-piau,
piàn-chó chū-iû-chú-gī chèng-tóng kah siā-hōe-bîn-chú-tóng lûn-liû chip-chèng,
kā goân-té kah siā-hōe-bîn-chú-tóng kāng-khoán sǹg sī siā-hōe-chú-gī tīn-iâⁿ,
m̄-koh m̄-goān chhiūⁿ siā-hōe-bîn-chú-tóng án-ne chiap-siū bîn-chú thêng-su,
it-tēng ài chhòng pok-lek hêng-tōng ê Bolsheviks chú-gī pâi-thek tī gōa-kháu.
[01:29]劉仲敬：資產階級民主的統戰是多中心性的。它像自然界的演化一樣，它沒有一個明確的有意識的主體。因此，多主體的博弈，每一個主體搞的都是短期行為，也就是馬克思非常鄙視的那種咖啡館清談政治家或者無政府主義。比如說最重要的一次統戰，對於現代社會來說其實就是第一次世界大戰以後，隨著普選制的普遍推行和布爾什維克主義對傳統社會民主黨的威脅，原先在十九世紀其實對立非常嚴重的資產階級政黨和社會民主黨結成了事實上的共識政治，來對抗那些體制外的勢力。也就是說，願意接受民主原則參加選舉的社會主義政黨不再是過去自由主義者的攻擊目標，而是自由主義政黨和社會民主黨輪流執政，把原先跟社會民主黨同屬於社會主義陣營、但是不肯像社會民主黨那樣接受民主程序、一定要搞暴力的布爾什維克主義排斥在外。
Bolsheviks khòaⁿ bōe khí thoân-thóng siā-hōe-bîn-chú-tóng
kah só͘-iú chu-sán-kai-kip tóng-phài, tō sī in-ūi in ka-tī sī chiok chi̍p-tiong
ê, in kám-kak ka-tī lāi-té ū sîn-ki-biāu-soàn ê chèng-tī-ka, it-chhè lóng tī in
ê chióng-ak tiong-iong. Ū ê sî-chūn án-ne ē kài ū-hāu, ná chhiūⁿ “cha̍p-goe̍h-chèng-piàn”
ê sî-chūn, siā-hōe-bîn-chú koh tóng-phài kah chū-iû-chú-gī koh tóng-phài lóng
bô lâng ē-tàng léng-tō. In chi̍t-kang kàu-àm kan-na teh tán khui li̍p-hiàn
hōe-gī niā-niā, siūⁿ kóng khui-hōe liáu-āu chiah lâi chhú-lí būn-tê, bô siūⁿ tio̍h
tī li̍p-hiàn hōe-gī chìn-chêng tō hiông-hiông hō͘ lâng kong-kek. Lia̍t-lêng tō
sī khò in Bolsheviks lāi-té ê to̍k-chhâi chè-tō͘, chi̍t lâng ge̍k chiòng-lâng,
ka-tī koat-tēng chhōe chi̍t kûn kun-jîn tu̍t-jiân kong-kek siú-to͘, hō͘ lí bô
hoat-tō͘ khui-hōe. Tán li̍p-hiàn hōe-gī khui-hōe ê sî, li̍p-hiàn hōe-gī
téng-koân lóng sī i ê bú-chong pō͘-tūi, lí khui siáⁿ-mih hōe lóng bô
lō͘-iōng--ah. Chit-ê sî-chūn, Lia̍t-lêng chū-jiân ē-tàng kóng, lí khòaⁿ, che tō
sī lín chu-sán-kai-kip-bîn-chú ê jio̍k-tiám, chiah hō͘ gún Bolsheviks chú-gī the̍h-tio̍h
sèng-lī. M̄-koh Bolsheviks ê thóng-chiàn kî-si̍t sī khah āu-piah chiah
chhut-hiān--ê, sī in-ūi in tī Oán-tong-kiōng-hô-kok, chiàu si̍t-le̍k tùi-pí,
hoat-hiān ka-tī bô hoat-tō͘ iâⁿ, chiah siūⁿ tio̍h chit ê hong-hoat: hun-hòa múi
chi̍t ê te̍k-tùi sè-le̍k, giú chi̍t pō͘-hūn phah chi̍t pō͘-hūn. Chit-ê
hong-hoat kài chi̍p-tiong, chi̍p-tiong ê hó-chhù sī ē-tàng chi̍p-tiong khùi-la̍t
chò tōa-sū. Nā-sī kó-toàn koh bín-chia̍t ê Machiavelli chú-gī chèng-tī-ka, sêng
Lia̍t-lêng chit khoán lâng, chin-chiàⁿ ē-tàng pí it-poaⁿ sió-chhī-bîn, sió-chu-sán-kai-kip
chèng-tī-ka the̍h-tio̍h koh khah tōa ê iu-sè, m̄-koh chit ê iu-sè kan-na sī
té-kî--ê.
[03:35]而布爾什維克主義者鄙視傳統社會民主黨和所有資產階級黨派的理由就是，他們是高度集中的，他們有高瞻遠矚的政治家，一切都在他們的廟算之中。這個在某些具體的場合是有好處的。例如像在十月政變那種情況，很明顯就是，社會民主黨的各黨派和資產階級自由主義者的各黨派都是群龍無首。他們一天到晚都在想著等立憲會議召開了再解決問題，沒有想到在立憲會議召開以前就有人突然襲擊。而列寧就是利用布爾什維克內部的獨裁機制，他力排眾議，單方面決定召集一小撥軍人突然襲擊首都，讓你的立憲會議根本召開不了。等立憲會議召開的時候，立憲會議的大廳上已經都是他的武裝部隊，你召開也沒有用了。在這個具體情況下，列寧當然有理由說，你看，就是你們資產階級民主的弱點，才讓我們布爾什維克主義勝利了。但是布爾什維克主義的統戰和它的所有其他做法一樣，布爾什維克主義的統戰其實是比較後來才產生出來的，是在遠東共和國這些按實力對比——包括突然襲擊都沒有辦法取得勝利的場合，才想到分化瓦解各個敵對勢力、拉一部分打一部分這種方法，但是使用的方式也跟它的其他做法一樣，都是高度集中的。集中的好處就是，集中精力辦大事。如果確實是有果斷而敏感的馬基雅維利主義政治家，像列寧這樣的人，他可以比那些小市民、小經紀人式的資產階級政治家在具體問題上取得更大的優勢，但這個優勢是短期的。
Phang-siū ê kiat-kò͘ kài ha̍p-lí, che sī tōa-chū-jiân
lāi-té ka-tī seⁿ chhut-lâi ê, bi̍t-phang m̄-bián chhiūⁿ kiàn-tio̍k-su kah siat-kè-su
kāng-khoán lī-hāi, i kan-na su-iàu it-ti̍t chhì khòaⁿ-māi, chò kio̍k-pō͘ ê
siu-kái, nā-sī khí bô hó-sè ê só͘-chāi, liâm-mi tō ka-tī pang--khì--ah. Ián-hòa
sī 2 chióng hē-thóng ê choo-ha̍p, 1 chióng sī sè-bî ê it-ti̍t siu-kái, múi
chi̍t ê chò kio̍k-pō͘ siu-kái ê lâng lóng m̄ chai-iáⁿ án-ne ē tùi chéng-thé ū
siáⁿ-mih éng-hióng kah tn̂g-kî hāu-kó sī án-chóaⁿ, in kan-na tùi in té-kî kah
kio̍k-pō͘ ê lī-ek chò hoán-èng niā-niā. M̄-koh “chi̍t-lâng tì, m̄-ta̍t nn̄g
lâng gī”, múi chi̍t-ê lâng lóng iōng kha tâu-phiò lâi chò siu-chiàⁿ, chū-jiân tō
ē sán-seng chéng-thé ê hāu-kó. Bóe-á kai-kip kiat-kò͘ tō ē piàn-chó án-ne:
bîn-chú siā-hōe bô bêng-khak ê kai-kip kiat-kò͘, kan-na ū siang-tùi ê tiong-sim
kah piⁿ-á, tiong-sim kah piⁿ-á mā bô bêng-hián ê kài-sòaⁿ, piⁿ-á tiāⁿ-tiāⁿ ē
hō͘ khip-siu kàu tiong-iong. Án-ne ê kiat-kó bōe hō͘ siā-hōe pang--khì, tian-tò
ē hō͘ siā-hōe koh khah tēng-tauh. Goân-té ê tiong-sim ē-tàng it-ti̍t khip-siu
sin ê hoeh-e̍k, chhiūⁿ Lô-má goân-ló-īⁿ it-ti̍t khip-siu Ko-lô͘-lâng kah
Se-pan-gâ-lâng, bóe-á Lô-má chèng-thé ê hòe-só͘ tō ē-tàng pí m̄-goān khip-siu
gōa-pang-lâng ê Ngá-tián koh khah tn̂g. M̄-koh tiong-sim khip-siu piⁿ-á mā ū
tiâu-kiāⁿ. Nā-sī chhiūⁿ chit-má ê Lâm-hui, hiông-hiông ōaⁿ goân-té bô chèng-tī khoân-lī
ê o͘-lâng chióng-ak chèng-koân, kā goân-té ū chèng-tī khoân-lī ê pe̍h-lâng lóng-chóng
sak-khí piⁿ-á, án-ne kok-ka ê sún-sit ē kài tōa. Siu-chiàⁿ kah thóng-chiàn
eng-kai ài hō͘ chiok chē hun-sòaⁿ ê kò-thé lâi chò chiah ē-iōng--chit,
chhin-chhiūⁿ Bí-kok án-ne, múi chi̍t kûn sin-ê î-bîn tú-kàu Bí-kok ê sî-chūn,
tē-ūi lóng kài kē, m̄-koh chi̍t tōaⁿ sî-kan liáu-āu, in tō ē sán-seng ka-tī ê cheng-eng,
ùi bó͘-mih chèng-tóng ji̍p-khì chú-liû chèng-tôaⁿ. Chhiong-tu̍t ē it-ti̍t
hoat-seng, m̄-koh chhiong-tu̍t lóng bô tōa, kán-tan tō ē-tàng thò-hia̍p,
siā-hōe bōe ū kài tōa ê siong-hāi. Tō sǹg kio̍k-pō͘ pang--khì, mā bōe éng-hióng
choân-thé, che tō sī chē tiong-sim kèng-cheng ê hó-chhù, i ē-tàng pó-siú
ián-hòa, chò kio̍k-pō͘ siu-chiàⁿ, kio̍k-pō͘ siu-chiàⁿ ê chéng-thé hāu-kó ē khah
pêng-hêng.
[05:18]大自然產生出來的像蜜蜂蜂巢那種非常合理的結構並不需要蜜蜂像建築師和設計師一樣聰明，它只需要不斷地嘗試錯誤、局部修正。修正不好的，就突然垮塌一下就行了。所以，演化實際上是兩種系統的組合。一種系統是細節的不斷修正，每一個局部的修正者都不知道這樣對整體會帶來什麼效果或者有什麼長期的效果，他只對他的短期和局部的利益做出反應。但是就像三個臭皮匠頂個諸葛亮一樣，所有的小人物都在那裡用用腳投票的方式進行修正，自然而然會產生整體效果。結果，相對於階級結構來說就產生了這樣的微妙效果：民主社會沒有明確的階級結構，它有相對的中心和相對的邊緣，但是中心和邊緣之間沒有截然的界限，邊緣很容易被吸納到中心。但是這樣的結果不是導致社會結構的瓦解，而是強化了社會結構，因為等於是原有的中心不斷吸收了新生血液，像羅馬元老院不斷吸收高盧人或者西班牙人，實際上跟像雅典人那樣絕對不吸收外邦人相比的話，是延長了羅馬政體的壽命。但是，這個吸收也不是無條件的。不會像是現在的南非一樣，突然由原來沒有政治權利的黑人完全掌握政權，把原來有政治權利的白人徹底擠到一邊去，那樣國家元氣的損失很大。因為修正或者統戰是由很多分散的個體做成的，結果就會變成像你在美國看到的那樣，每一撥新移民來的時候都地位很低，但是過了一段時間產生出自己的精英階級以後，這些人又很容易通過某一個黨派進入主流政壇。衝突是連續不斷的，但是所有的衝突規模都不大，都很容易歸於妥協，而社會的元氣沒有受到很大損失。即使局部發生垮塌，影響也不是全域性的。這就是多中心博弈最主要的好處。它是保守演化、局部修正的路線，局部修正造成的整體效果是比較平衡的。
Chi̍t ê lâng ê ba̍k-chiu, tō sǹg sī siōng-kài
khiáu ê lâng, lóng bô hoat-tō͘ khòaⁿ tio̍h só͘-ū ê só͘-chāi. I ū khó-lêng tī i chi̍p-tiong
khùi-la̍t kè-ōe ê só͘-chāi the̍h-tio̍h chiok tōa ê sèng-lī, m̄-koh tāi-kè tō sī
hut-sī kah hi-seng pa̍t-ê só͘-chāi. Thóng-chiàn mā sī án-ne, nā-sī lí kan-na kóng
khòaⁿ ū ê só͘-chāi, ē hoat-hiān chi̍t ê kî-koài ê hiān-siōng: chu-sán kai-kip
bîn-chú it-ti̍t su-kah-thǹg-khò͘, So͘-liân-lâng ta̍k-pái lóng sī iâⁿ. So͘-liân-lâng
nā-sī siūⁿ-beh chò siáⁿ, chí-iàu chi̍p-tiong khùi-la̍t, lī-iōng chu-sán-kai-kip
bîn-chú ê jio̍k-tiám, tō ē-tàng tī chu-sán kai-kip bîn-chú ê sim-chōng tē-tài chhìn-chhái
kiâⁿl-lâi kiâⁿ-khì, m̄-koh siōng-bóe-á tó-tâi ê kèng-jiân sī So͘-liân. Che tō
sī in-ūi in iâⁿ tī in khòaⁿ ê tio̍h ē só͘-chāi, kā in khòaⁿ bōe tio̍h ê só͘-chāi
su-khì--ah. Kok-êng khì-gia̍p kah bîn-kan tiong-sió-khì-gia̍p ê chha-pia̍t
mā-sī án-ne. In bú kè-ōe, chi̍p-tiong chu-goân chò tōa tāi-chì iah ē-sái,
m̄-koh siā-hōe sī lí khòaⁿ bōe tio̍h ê cheng-liōng tì-sek choo-sêng--ê, m̄-sī
lí khòaⁿ ê tio̍h ê chûn-liōng tì-sek cho͘-sêng--ê. Nā-sī siā-hōe ê hó-pháiⁿ
kan-na khòaⁿ lí chhiú-lāi ê chu-goân kah tì-sek, án-ne kè-ōe chi̍t-ē khak-si̍t ē
khah hó. M̄-koh siā-hōe ê chìn-pō͘ ài khò put-toān sán-seng sin-ê tì-sek kah
sin-ê chu-goân, chia--ê mi̍h-kiāⁿ lóng tī lí khòaⁿ bōe tio̍h ê só͘-chāi
chhut-hiān. Thóng-chiàn mā-sī án-ne, siā-hōe-chú-gī kok-ka thiau-kang
thóng-chiàn, ē-tàng ta̍t-sêng in kio̍k-pō͘ ê bo̍k-piau, m̄-koh tn̂g-kî lâi
khòaⁿ, tiāⁿ-tiāⁿ ē hō͘ chéng-thé kio̍k-sè ok-hòa. Tō chhin-chhiūⁿ Tâi-oân,
kiōng-sán-tóng thóng-chiàn kok-bîn-tóng, kā 1970 nî-tāi iah-sī i tī Tâi-oân
siōng-tōa te̍k-jîn ê kok-bîn-tóng piàn-chó i ê ē-kha-chhiú-lâng, m̄-koh tāi-kè
tō sī, kok-bîn-tóng ùi goân-té ê chèng-tī tiong-sim piàn-chó chi̍t-ê piⁿ-á
chèng-tóng. Kok-bîn-tóng hō͘ i thóng-chiàn lú chē, tī Tâi-oân siā-hōe tō lú
piⁿ-á. Thóng-chiàn sêng-kong ê kiat-kó, hō͘ Tâi-oân-lâng koh khah thó-ià
kiōng-sán-tóng, hō͘ Tâi-oân pí í-chá kok-bîn-tóng chip-chèng ê sî-chūn li
Tiong-kok koh khah hn̄g. Che tio̍h sī kiōng-sán-tóng ê sêng-kong kah sit-pāi,
che tú-hó kah se-Au chèng-tôaⁿ khip-siu siā-hōe-bîn-chú-tóng liáu-āu ê
kiōng-sek chèng-tī tian-tò.
[07:28]一個人的眼睛，哪怕是最英明的人，都不能看到所有地方。他可能在他集中力量算計的那個地方取得重大勝利，但是是以忽視和犧牲其他地方為代價的。統戰也是這樣。如果你只計算看得見的部分的話，那就會有一個奇特的現象：你可以看到，資產階級民主一直都是輸的，蘇聯人一直都是贏的，蘇聯人集中精力要顛覆什麼或者要辦什麼事情，利用資產階級民主的弱點，在他們的地帶肆無忌憚地行動，幾乎遇不上什麼阻力，但是最後垮臺的居然是蘇聯。就是因為它贏到了所有看得到的地方，卻輸掉了所有看不到的地方。國有企業和眾多的小企業之間的差別也是這樣的。他們搞計劃、集中資源辦大事是可以的，但是社會主要是由你看不見的增量知識組成的，而不是由你看得見的存量知識組成的。如果社會的好壞只取決於你掌握的既有資源和既有知識的話，那麼計劃一下是可以的，甚至是優越的。但是社會進步主要是依靠不斷產生的新的知識和新的資源，這些東西都是在你看不到的地方出現的。統戰也是這個樣子的。社會主義國家有意識地統戰，能夠達到它局部的目的，但是局部的目的實現，經常在長遠上來看是使整體局面更加惡化的。拿台灣的例子來說的話就是，共產黨統戰國民黨，把1970年代還是它在台灣最大敵人的國民黨變成了它的一個僕從，但是其代價就是，國民黨由原先的政治中心變成了一個邊緣政黨。而且，它被統戰的程度越深，它在台灣社會越邊緣。而統戰成功的結果，是使台灣社會更多的人更加反感共產黨，使台灣走得比原先國民黨是執政黨的時候離中國的距離更遠。這就是它的成功和失敗，這跟西歐的政壇在吸納了社會民主黨以後共識政治反而更加擴大的情況是恰好相反的。
／
留言
張貼留言