20220228 Lâu-Tiōng-Kèng hóng-būn tē 181 chi̍p, Ukraine chiàn-cheng (pō͘-hūn)／劉仲敬訪談第181集：烏克蘭戰爭（部分）
20220228 Lâu-Tiōng-Kèng hóng-būn tē 181 chi̍p, Ukraine chiàn-cheng (pō͘-hūn)
劉仲敬訪談第181集：烏克蘭戰爭（約後15min）
Ē-tàng chióng-ap chèng-koân
ê lâng, lóng sī tī chióng-ap chèng-koân chìn-chêng, tō í-keng sêng-ûi
chèng-koân bô hoat-tō͘ bô ê i-nāi le̍k-liōng.
能夠掌握的人，都是在掌握政權以前，就已經成為政權不可缺少的依賴力量了。
Án-ne chit-má ê Russia ū
siáⁿ-mih soán-te̍k? Lán tō sian chún-chò i ē it-ti̍t phah lo̍h–khì, án-ne Ukraine
ê jîn-le̍k chu-goân bōe chiah kín tō liáu-chīn, Ukraine chha-put-to sī So͘-liân
ê 1/4. Chiàu phó͘-thong ê peng-hoat, chìn-kong-hong ài ū 4 pí 1 ê iu-sì chiah
ē-tàng phah iâⁿ. Só͘-í Russia sī Ukraine ê 4 pōe , mā tō sī kóng Russia ê
chìn-kong ki-pún siōng sī pêⁿ-chhiú.
那麼今天的俄羅斯他有甚麼選擇？我們假定他會一直打下去，但是烏克蘭的人力資源，不可能這麼快就耗竭，烏克蘭相當於蘇聯的四分之一，照普通的兵法，進攻方必須要有四比一的優勢才能夠打贏，所以俄羅斯是烏克蘭的四倍，也就是說俄羅斯的進攻是基本打平手的。
Ukraine ê jîn-le̍k bô
khó-lêng ēng liáu, tiōng-tiám sī châi-chèng kah kun-tūi ê pō͘-hūn, chí-iàu
Pak-iok tī châi-chèng siōng kā Ukraine tàu-saⁿ-kāng, liâm-mi tō kā Russia
chè-chhâi chi̍t-ē, án-ne Ukraine tō bōe kài kín pang--khì, tō sǹg Donbas
chân-kun choân-kun hok-bu̍t iah bōe pang--khì, kan-na ē kā chiân-sòaⁿ
chhun-tn̂g kàu Dnieper hô í-sai.
烏克蘭的人力資源不可能耗盡，問題出在財政和軍隊部分，只要北約在財政上和烏克蘭勾抵，更不要說順便制裁一下俄羅斯，那麼烏克蘭不會迅速崩潰。頓巴斯殘軍即使全軍覆沒也不會崩潰，只不過會把戰線延伸到第聶伯河以西。
Chiân-sòaⁿ tī tó-ūi,
kū-thé sī tó-ūi khah chē, tó-ūi khah chió, tùi kui-ê chiàn-cheng tōa-kio̍k-sè
bô sáⁿ éng-hióng. Chiàn-cheng su-iâⁿ ê koan-kiān m̄-sī lí chi̍t-tōaⁿ sî-kan lâi
tó-ūi chiàm ê thó͘-tē khah chió iah-sī khah chē, sī chi-chhî chiàn-cheng ê
kok-ka ki-khì kám iah ū hoat-tō͘ ūn-chok, kok-ka ki-khì liáu-chīn í-āu,
pang-lo̍h-lâi tō kui-ê hāi-liáu-liáu–ah.
只是戰線在哪裡，具體哪邊多占一些地方，哪邊少一些地方，對具體戰爭大局勢沒有影響的。戰爭並不取決哪方軍隊在哪個具體的時間內多占幾塊土地或少占幾塊土地，而是取決於支持戰爭的國家機器還能不能運作，國家機器耗竭以後，垮下來就甚麼都完了。
Pak-iok ê bú-khì bōe
chi̍t-ko͘-goe̍h tō liáu-chīn, Pak-iok tī léng-chiàn í-āu sui-jiân í-keng
kiám-chió kun-tūi, m̄-koh m̄-thang bōe-kì, Pak-iok chha-put-to téng-î choân-sè-kài.
Bí-kok hái-kun kah Eng-kok hái-kun ē-tàng tōng-oân choân-sè-kài ê chu-goân,
pí-lūn-kóng, nā-sī Russia ê bú-khì kan-na ē-tàng tòng chi̍t-ko͘-goe̍h, Bí-kok
kah Pak-iok ê bú-khì kiaⁿ sī ē-tàng kiong-èng Ukraine pòaⁿ-nî bô būn-tê.
Kâng-it-sî-chūn, Pak-iok nā-sī chhiūⁿ Hoat-kok-lâng ū-kî kâng-khoán, phah-sǹg
tn̂g-kî sio-chiàn, i chhú-lí kun-sū tōng-oân mā ū i ê chhiú-tōaⁿ, in ê bu̍t-chu
hong-hù kài chē, iu-sè tī in hit-pêng.
但是，北約的武器不會在一個月就耗竭，北約在冷戰以後雖然已經減少軍隊，但是不要忘記北約約等於全世界。美國海軍和英國海軍動員了全世界的資源，比如說俄羅斯武器只能支持一個月的話，美國武器、北約武器恐怕在半年內供應烏克蘭還是沒有問題的。同時北約如果長期像法國人所預見的那樣長期打仗的話，他搞軍事動員也會有它一系列的手段，他的物資資源豐富得多，優勢在他那邊。
Án-ne nā-sī ài it-ti̍t
phah lo̍h–khì beh án-chóaⁿ-pān? Putin tī 3, 4 goe̍h tiong-iong tō ài kah Russia
ê kóa-thâu, chia-ê lâng tō ná tong-nî ê Lvov kah Rodzianko, kóng hō͘ hó-sè.
Russia ê seng-sán-le̍k kah lô-tōng-le̍k ài ùi pêng-siông ji̍t-iōng bu̍t-chu kah
gōa-bō͘ sán-phín, piàn-chó kun-kang seng-sán kah kun-sū pó͘-kip. Russia ê
āu-tù-kun chit-ê sî-chūn í-keng hāi-liáu-liáu–ah, pit-su tiàu-peng, kā siáu-liân-lâng
tōa-pō͘-hūn sàng-khì kun-tūi lāi-té, lēng-gōa chi̍t-pō͘-hūn tâu-ji̍p kun-kang
seng-sán.
那麼，如果要一直打下去怎麼辦？普丁在三四月間就必須和俄羅斯的寡頭──這些人就相當於當年的李沃夫（Georgy Lvov）、羅將柯（Mikhail Rodzianko）──談妥，俄羅斯的生產能力和勞動力必須由平時的生產，生產日用物資和外貿產品，轉向軍工生產和軍事補給。俄羅斯的後備軍這個時候肯定是已經完了，必須徵兵，把年輕人很大一部份送到軍隊裏面去，另外一部份投入軍工生產。
Chit kiāⁿ tāi-chì, Putin
chit-má ê chèng-hú iah-koh chò bōe kàu, su-iàu Russia kóa-thâu kā i phòe-ha̍p.
Nā-bô cha̍p-goe̍h-tóng kah tē-hong-chū-tī-phài phòe-ha̍p, soa-hông bô hoat-tō͘
chìn-hêng chiàn-cheng, chiàn-cheng sī soa-hông kah i 1905 nî tìn-ap ê
chū-iû-phài chu-sán kai-kip piàn-chó liân-ha̍p chèng-hú.
這件事情憑普丁現在的政府還做不到，需要俄羅斯寡頭和他配合。如果沒有十月黨人和地方自治派的配合的話，沙皇沒有辦法進行戰爭，而戰爭是沙皇和1905年他起初鎮壓的自由派資產階級實際上形成聯合政府。
Kâng-chi̍t-ê sî-kan, tī
liân-ha̍p chèng-hú āu-piah, kun-sū kang-gia̍p úi-oân-hōe mā bōe-tàng kan-na
chu-pún-ka tio̍h bô? Hoat-kok kang-hōe kah Tek-kok kang-hōe, tī kun-kang seng-sán
tiong í-keng tit-tio̍h liân-ha̍p thóng-tī chi̍t-phiò kī-choa̍t ê koân-le̍k,
Russia ê kang-lâng sui-jiân khah lo̍k-hō͘, tē-ūi mā-sī kip-kio̍k thê-ko,
só͘-í chòe-āu chū-iû-phài chióng-koân liáu-āu, kun-sū kang-gia̍p úi-oân-hōe ū
2 ê cho͘-chit tit-si̍t bōe-khí:
同時在聯合政府背後，軍事工業委員會不能只有資本家對不對？法國工會和德國工會，在軍工生產中都已經得到聯合統治一票否決的權力，俄國的工人雖然比較落後，但是地位也是急遽上升了，所以最後自由派掌權之後，軍事工業委員會有兩個得罪不起：
Tē 1, sī Saint Petersburg
ê kau-thong kang-hōe, thih-lō͘ kang-hōe. Thih-lō͘ kang-hōe nih chi̍t-ē-á
ba̍k-chiu, kun-sū bu̍t-chu bô hoat-tō͘ ùi Saint Petersburg chìn-chhut, Saint
Petersburg chit-ê tōa-siâⁿ-chhī ê bîn-seng ji̍t-iōng bu̍t-chu kah chiàn-pī
kang-chhiúⁿ su-iàu ê seng-sán bu̍t-chu bô hoat-tō͘ chìn-chhut, Saint
Petersburg tō ài tó-tâi.
第一，是聖彼得堡的交通工會、鐵路工會，鐵路工會眨眨眼睛，軍事物資沒有辦法從聖彼得堡進出，聖彼得堡這個大城市民生日用物資和戰備工廠所需要的生產物資進出不了，鐵路工人一罷工，聖彼得堡之後就要垮台。
Tē 2, kang-peng tāi-piáu
Soviet, tōa-liōng ê lông-bîn, tī chiàn-cheng sî-kî, in ê chú-tē tī chêng-sòaⁿ
chò sū-peng kah kang-chhiúⁿ lāi-té bô keng-giām ê ki-su̍t kang-lâng. Goân-té
chiàn-chêng ê láu-kang-lâng chím piàn-chó kang-thâu, tō chhut-hiān án-ne ê
kio̍k-bīn: Goân-té kám-kak ka-tī sī hŏng ap-pek-chiá ê láu-kang-thâu, chit-má
hoat-hiān ka-tī sī thóng-tī chiá–ah, in kah hia-ê sin-ê kang-lâng kah
chhī-chhèng sū-peng ū kài tōa-ê mâu-tún.
第二，工兵代表蘇維埃，大量的農民，在戰爭時期，他們的子弟在前線做士兵和工廠裡面的沒有經驗的技術工人，原來戰前的老工人現在變成了工頭，於是就出現了這樣的局面：原來自詡為被壓迫者的老工頭，現在發現自己是統治者了，他們和那些新工人和砲灰士兵之間存在著極大的矛盾。
Bolsheviks lī-iōng chit-ê
mâu-tún, in kā chū-iû-phài chu-sán kai-kip táⁿ-tó-khì, in sī lī-iōng siáⁿ-mih?
Chhī-chhèng sū-peng tī chêng-sòaⁿ siong-bông chhám-tiōng, in kám-kak khì
chêng-sòaⁿ tō sī sàng-sí, án-nóa mā bōe ū thò-tòng ê chiàu-kò͘, in kóng:
Chit-má tō ài hô-pêng.
布爾什維克利用了這個矛盾，他們把自由派資產階級和老工人領袖全都打垮了，他們利用的是甚麼？砲灰士兵在前線的慘重傷亡，他們覺得去前線就是送死，再怎樣也得不到適當的照顧，他們說：現在就要和平。
Gōa-kau-ka kóng, “chit-má
tō ài hô-pêng”, téng-î kā ka-tī ê kok-ka khǹg-tī gōa-kau siōng kài put-lī ê
ūi-tì. Chū-iû-phài ê léng-siù kóng, it-chhè ê chhò-gō͘ lóng sī soa-hông
choan-chè hāi–ê, chit-má lán chū-iû–ah, kiàn-li̍p Russia kiōng-hô-kok, lán
eng-kai ài kah chū-iû bîn-chú ê England kah France liân-ha̍p khí-lâi, kā
chiàn-chêng phah lo̍h-khì.
外交家會說，現在就要和平，等於是把自己的國家，在外交上置於極其不利的地位。自由派的領袖說，一切錯誤都是沙皇專制造成的，現在我們自由民主了，建立俄羅斯共和國，我們應該和自由民主的英格蘭和法蘭西聯合起來把戰爭打到底。
Án-ne in bô hoat-tō͘
boán-chiok ki-chân sū-peng “chit-má tō ài hô-pêng” ê su-iàu. Kan-na Lenin
the̍h-tio̍h 5000 bān Tek-kok kim mark kóng, góa chiūⁿ-tâi tō má-siōng hō͘ lin
hô-pêng. Lenin tī choân-kok tit-tio̍h ê phiò bô 25%, m̄-koh tī kun-tūi tiong,
iû-kî sī Saint Petersburg kah Moscow chù-kun tiong ê chi-chhî-lu̍t chhiau-kòe
75%.
於是他們不能滿足基層士兵立刻就要和平的需要。只有列寧拿個五千萬德國金馬克說，我上台立刻就給你們和平。列寧在全國得到的選票不到百分之二十五，但是在軍隊當中，尤其是在聖彼得堡和莫斯科駐軍當中的支持率超過百分之七十五。
Só͘-ūi kang-peng
tāi-piáu Soviet, si̍t-chè-siōng kun-jîn tāi-piáu ū kúi chheng–ê, kang-lâng
tāi-piáu kan-na kúi pah–ê. Kang-lâng tāi-piáu tōa-pō͘-hūn sī 1-chiàn
chìn-chêng ê láu kang-lâng chò léng-siù, sin-ê kang-lâng tōa pō͘-hūn phah bōe
kòe ki-su̍t kang-lâng kah láu-kang-lâng. M̄-koh sū-peng tō bô-kâng–ah, sū-peng
tit bōe tio̍h hô-pêng tō hō͘ in ê kun-koaⁿ phah léng-chhèng, thong-kòe
kang-peng tāi-piáu Soviet, pak-toat kun-koaⁿ ê koân-le̍k. Bolsheviks khò in, tī
chū-iû-phài chu-pún-ka kah kun-sū kang-gia̍p úi-oân-hōe kā soa-hông kóaⁿ-cháu
í-āu, iū-koh kā kun-sū kang-gia̍p úi-oân-hōe kah chu-pún-ka kah lîm-sî chèng-hú
tàu-tīn kóaⁿ-cháu–ah. Che tō sī Russia kek-bēng ê pún-chit.
所謂工兵代表蘇維埃，實際上軍人代表有幾千個，工人代表只有幾百個。工人代表多半是一戰前的老工人當領袖，新工人一般是鬥不過技術工人和老工人的。但是士兵就完全不一樣了，士兵得不到和平就開始給他們的軍官打冷槍，通過工兵代表蘇維埃，剝奪軍官的權力。布爾什維克依靠他們，在自由派資本家、軍事工業委員會趕走沙皇以後，又把軍事工業委員會和資本家和臨時政府給一起趕走了。這就是俄羅斯革命的實質。
Só͘-í tī 4 goe̍h-hūn,
lán ká-tēng Putin ài chò kàu té, tī 4 goe̍h-hūn, kiû tō thah khì Russia
kóa-thâu ē-kha–ah. Tong-jiân Putin m̄-sī giàn-thâu, i hā kiáu-tù chìn-chêng
lóng ū sū-sian keng-kòe kóa-thâu ê tông-ì, kā Medvedev kah chū-iû-phài kóa-thâu
lóng giú kòe-lâi–ah, siōng-chió hêng-siōng siōng giú kòe-lâi–ah. Chhiūⁿ
Chiúⁿ-Kài-se̍k tī Bú-hàn án-ne, choân-bîn khòng-chiàn, chi̍t-ê kok-ka chi̍t-ê
léng-siù, lán lóng chi-chhî Chiúⁿ-Kài-se̍k, Lí-Chong-jîn kah Koeh-Boa̍t-lo̍k
lóng kóng lán chi-chhî Chiúⁿ-Kài-se̍k.
因此在四月份，我們假定普丁要幹到底，在四月份，球就踢到俄羅斯寡頭的腳下了。當然普丁不是傻瓜，他在下賭注之前是事先經過了寡頭們的同意的，把梅德韋傑夫（Dmitry Medvedev）和自由派寡頭都拉過來了，至少在形象上拉過來了。像蔣介石在武漢那樣，全民抗戰，一個國家一個領袖，我們都擁護蔣介石，李宗仁和郭沫若都說我們擁護蔣介石。
Pêng-siông-sî, in chit-ê
páng-phiò-sèng ê chò-hoat, ùi kok-ka an-choân úi-oân-hōe tō khòaⁿ ē chhut-lâi.
Kok-ka an-choân úi-oân-hōe sī pì-bi̍t ki-kò͘, i m̄ sī gī-hōe, i pêng-siông-sî
bô teh kong-khai--ê. Putin ngē beh kā kok-ka an-choân úi-oân-hōe ê iáⁿ-phìⁿ tùi
choân-bîn kong-pò͘, che sī siáⁿ-mih ì-sù? Chit tiûⁿ chiàn-cheng sī lán ûi-hō͘
Russia tè-kok ê choân-bîn chiàn-cheng, Putin sī kah jîn-bîn kóng si̍t-ōe.
平時，他這個綁架性作法，從國家安全委員會的錄像就可以看得很清楚，國家安全委員會是個秘密機構，他不是議會，他平時開會都是不公開的。而普丁偏偏要把國家安全委員會的整個錄像向全民公佈，這甚麼意思？這場戰爭是我們維護俄羅斯帝國的全民戰爭，普丁是給俄羅斯人民說實話的。
Lán chím nā-sī m̄ phah,
Bí-kok-lâng kah Au-chiu-lâng mā ia̍h-sí ē kā lán thiah-chia̍h, koh kòe kúi-nî,
lán ê si̍t-le̍k liân chit-má lóng bô kàu. Russia kū-nî jîn-kháu kiám-chió 100
bān, chit-má lán iah ē-tàng phah Ukraine, siōng-chió hō͘ Russia chhòng-chō
chi̍t-ê pian-kéng an-choân-khu. Koh kòe kúi-nî, Ukraine ti̍t-chiap ka-ji̍p
Pak-iok, lán ê kun-tūi pí chit-má koh khah bô-hāu, beh phah mā bô hoat-tō͘.
我們如果不打，美國人照樣會、歐洲人照樣會東一榔頭西一榔頭拆解我們，再過幾年之後，我們的實力連現在都不如。俄羅斯去年人口減少一百萬，現在我們還可以打得動烏克蘭，至少為俄羅斯創造一個邊境安全區。再過幾年以後，烏克蘭直接加入北約，我們軍隊比現在還要衰弱，我們打都打不動。
Chiàn-cheng m̄-sī
ūi-tio̍h góa phah—ê, sī ūi-tio̍h Russia tè-kok phah—ê. Jîn-bîn kah kóa thâu,
lín m̄-thang khi-phiàn ka-tī, m̄-sī góa Putin ài ū Russia tè-kok, sī lín
ta̍k-ke lóng siūⁿ-beh ài Russia tè-kok. Tong-nî Yeltsin hō͘ lín chū-iû
bîn-chú, m̄-koh hi-seng liáu Russia tè-kok, lín hūn Yeltsin ji̍p-kut, lín it-tēng
ài góa chiūⁿ-tâi chhú-tāi Yeltsin, lín hō͘ góa ê jīm-bū tō sī he-ho̍k Russia
tè-kok. Chit-má góa kā lín kóng, ài he-ho̍k Russia tè-kok, lán ū bô hoat-tō͘
m̄ chò ê tāi-chì.
戰爭不是為了我打的，是為了俄羅斯帝國打的。人民、寡頭，你們不要欺騙自己，不是我普丁要有俄羅斯帝國，是你們大家都想要俄羅斯帝國。當年葉利欽（葉爾辛，Boris Yeltsin）給了你們自由民主，但是犧牲了俄羅斯帝國，你們恨葉利欽入骨，你們一定要我上臺來取代葉利欽，你們給我的任務就是恢復俄羅斯帝國。現在我告訴你們，恢復俄羅斯帝國，我們有非做不可的事情。
Chit kiāⁿ tāi-chì ài hù-chhut
chhám-tiōng ê tāi-kè, chhiūⁿ Pilate kim-phûn sé-chhiú kāng-khoán, ài thâi
Iâ-so͘--ê sī lín iû-thài tiúⁿ-lo-hōe, mài kā chek-jīm sak kàu góa ê thâu-téng. Sī
lín Russia cheng-eng kah Russia jîn-bîn, siōng-hā it-tì ê iau-kiû he-ho̍k
Russia tè-kok, góa kan-na sī teh chip-hêng lín ê ì-chì.
這個事情要付出慘重的代價，像彼拉多（Pontius Pilate）金盆洗手一樣，要殺耶穌的不是我，是你們猶太長老會，不用把責任推到我頭上。是你們，你們俄羅斯人精英和俄羅斯人民，上下一致地要求恢復俄羅斯帝國，我只是在執行你們的意志。不要說當事情搞砸了以後，你們說是我一意孤行，現在國家安全委員會錄像向全民公布，記住，我是在執行你們的意志。
M̄-koh án-ne bô-hāu. 1914
nî Russia choân-thé jîn-bîn, ū tó chi̍t-ê bô siūⁿ-ài Russia tè-kok? Ū tó
chi̍t-ê goān-ì hiòng Tek-kok koah-tē pê-khoán? 1914 nî nā-sī ū tó chi̍t-ê
kang-lâng kah lông-bîn kóng ài kā Tek-kok koah-tē pê-khoán, hó tit-tio̍h
hô-pêng, i ē chhiūⁿ Rasputin kāng-khoán put-tit hó-sí. M̄-koh tán-kàu 1917 nî
ta̍k-ke beh iau-sí ê sî-chūn, choân-kok jîn-bîn tōa pō͘-hūn lí-lō͘-ti̍t ê
kóng, chit-má tó ài hô-pêng. Lín chu-pún-ka kah tōa-thâu bô siū-tio̍h
chiàn-cheng ê ti̍t-chiap siong-hāi, m̄-koh gún ê kiáⁿ-lî lóng sí tī
chêng-sòaⁿ--ah, sī lín chit-kóa chu-pún-ka kā gún chhut-bē. Gún bô-ài thiaⁿ lin
ê, gún thiaⁿ Bolsheviks ê, góa chit-má tō ài hô-pêng.
但是這樣是不管用的。1914年俄羅斯全體人民，有哪一個不想要俄羅斯帝國的？有哪一個願意向德國割地賠款的？1914年如果有哪個工人或是農民說要向德國割地賠款，以便獲得和平的話，他會像拉斯普丁（Grigori Rasputin）一樣不得好死。但是等到1917年大家都快要餓死了的時候，全國人民的大部分理直氣壯的說，現在就要和平。你們資本家和大佬們沒有受到戰爭的直接傷害，而我們的子弟都死在前線上了，是你們這些資本家出賣了我們。我們不聽你們的，我們聽布爾什維克的，我們現在就要和平。
Bolsheviks tō sǹg tī
pat-ê só͘-chāi ū-kàu ok-chit, “chit-má tō ài hô-pêng” chit kiāⁿ tāi-chì
ia̍h-sí tit jîn-sim ê. Putin--leh? Tō sǹg lí tī pat-ê só͘-chāi ū lōa bô-hāu, ûi-hō͘
he-ho̍k Russia tè-kok chit kiāⁿ tāi-chì sī choân Russia bîn-cho̍k chi-chhî ê.
M̄-koh jîn-bîn chia̍h tio̍h chiàn-cheng ê thòng-khó͘ liáu-āu, ia̍h-sí kài ū
khó-lêng kā chek-jīm sak hō͘ Putin kò-jîn.
布爾什維克就算在其他方面十惡不赦，現在就要和平這件事是得人心的。普丁呢？就算你其他方面是如何不行，維護、恢復俄羅斯帝國這件事情是執行全俄民族的支持的。但是人民嚐到了戰爭痛苦以後，仍然是很有可能把責任推給普丁個人的。
Tùi Russia cheng-eng lâi
kóng, in tō ū chi̍t-ê hiān-sêng ê soán-te̍k, tī 4 goe̍h ê sî-chūn, in ē-tàng kā
bīn bong chi̍t-ē, chhiūⁿ 1917 nî ê kok-ka Duma kah tōa-pún-iâⁿ kāng-khoán, Alekseyev
chiong-kun kah Rodzianko gī-tiúⁿ, in tī 1914 nî kám bô kóng kòe chi-chhî
chiàn-cheng? In kám bô kóng kòe, chiàn-cheng chi̍t hoat-seng, kòe-khì ê un-oàn
lóng bô-chún-sǹg, choân-kok jîn-bîn thoân-kiat tī soa-hông ê piⁿ-á, kah
Eng-Hoat bîn-chú kok-ka kiat-sêng liân-bêng, ūi-tio̍h jîn-lūi ê bûn-bêng
hùn-chiàn? Án-ne ê ōe in kóng kòe lōa-chē?
對於俄羅斯的菁英來說，他們就有一個現成的選擇，在四月的話，他們可以把臉一摸，像1917年的國家杜馬和大本營一樣，阿列克謝耶夫將軍（Yevgeni Ivanovich
Alekseyev），和羅江科議長（Mikhail Rodzianko），他們在1914年沒有說過擁護戰爭嗎？他們有沒有說過，戰爭一起，過去的恩怨都不算的，全國人民團結在沙皇身邊，跟英法民主國家結成聯盟為人類的文明奮戰？這些話他們說過多少次？
Mài kóng chia-ê hùi-ōe,
án-nóa kóng lóng bô-hāu. Dardanelles hái-kiap hŏng hong-só, Russia jîn-bîn kah
sū-peng beh iau-sí ê sî-chūn, in kā bīn bong chi̍t-ē, kā jîn-bîn kóng, che lóng
sī soa-hông ê m̄-tio̍h, soa-hông o͘-pe̍h chí-hui, chí-iàu bô soa-hông lán tō
ē-tàng kè-sio̍k phah lo̍h-khì. Che tong-jiân sī gōng-ōe, sī phiàn-lâng ê ōe.
Soa-hông m̄-tio̍h, Putin mā m̄-tio̍h, soa-hông m̄-bat kun-sū, Putin mā m̄-bat
kun-sū, soa-hông o͘-pe̍h chí-hui hō͘ Russia kun-tūi siū-tio̍h bô pit-iàu ê
hi-seng, soa-hông ê chhin-chiâⁿ bú hú-pāi oa̍h-tōng hō͘ Russia jîn-bîn
siū-tio̍h bô pit-iàu ê hi-seng, Putin ê chhin-sìn mā hú-pāi.
不要這些屁話，怎麼說也沒有用。達達尼爾海峽被封閉，俄羅斯人民和士兵快要餓死的時候，他們把臉一摸，告訴人民，這都是沙皇的錯。沙皇指揮無方，任用腐敗分子，你們的痛苦是沙皇造成的，只要去掉沙皇我們可以繼續打下去。這當然是句傻話，是騙人的話，沙皇是錯的，普丁也是錯的，沙皇不懂軍事，普丁也不懂軍事，沙皇瞎指揮使俄羅斯軍隊蒙受了不必要的犧牲，沙皇的親枝近脈搞腐敗活動使俄羅斯人民蒙受不必要的犧牲，普丁的親信也徇私舞弊。
M̄-koh chia-ê tāi-chì,
tùi chiàn-cheng ê éng-hióng, kóng si̍t-chāi—ê, tō chhin-chhiūⁿ thoân-soat-tiong
Khóng-jī-sió-chiá ùi Hiong-káng ēng hui-lêng-ki sàng káu-á kāng-khoán, chit
kiāⁿ tāi-chì m̄-tio̍h, tùi kok-kun khòng-chiàn put-lī, sī hú-pāi hêng-ûi. M̄-koh
tō sǹg sī Khóng-jī-sió-chiá m̄-bat chhut-sì, mā m̄-bat chhī-káu, lí kiò sī bô
hit chiah káu-á, kok-kun tō ē-tàng phah iâⁿ--nih? Kok-kun ūi-siáⁿ phah bōe iâⁿ,
kok-kun ūi-siáⁿ hú-pāi, sī in-ūi i sian-thian tō tī hit-ê tē-ūi, m̄-koh Russia
ê chū-iû-chú-gī-chiá tian-tò lí-lō͘-ti̍t ê kā jîn-bîn kóng, chek-jīm lóng tī
soa-hông téng-koân.
但是，這些事情對戰爭的影響，說真的，就像是傳說中孔二小姐從香港用飛機運狗一樣，這是件錯事，是對國軍抗戰不利的，是腐敗行為。但是就算是孔二小姐從來沒有出生，也從來沒有養過狗，你以為沒有他那條狗，國軍就能打贏嗎？國軍之所以打不贏，國軍之所以會腐敗，是因為它先天就處在這個地位，但是俄羅斯自由主義者卻理直氣壯告訴人民說是，責任都在沙皇頭上。
In tī 4 goe̍h mā ē-tàng ū
chi̍t-ê soán-te̍k, kā tāi-chì lóng sak hō͘ Putin, lóng sī Putin ê m̄-tio̍h,
lán chò-tiāu Putin, kah Ukraine kóng-hô, án-ne iah ē-tàng kā Russia tè-kok ê
ki-gia̍p pó-liû khí-lâi. Koh-lâi kóaⁿ-kín kā kun-tūi sóa-khì Tiong-a kah
tang-pō͘ ûi-hô, í-āu lán mài koh tī sai-pō͘ o͘-pe̍h bú—ah, chò chi̍t-ê
Au-chiu ê hù-iông-kok, tī Tiong-kok āu-piah hō͘ i chit-to án-ne ê tāi-chì,
tiông-sin tit-tio̍h se-hong ê hoan-gêng, án-ne hó-bô?
他們在四月也可以有個選擇，把事情賴在普丁頭上，都是普丁的錯，我們做掉普丁，跟烏克蘭講和，這樣還可以把俄羅斯帝國的基業保存下來。然後趕緊把軍隊撤下去到中亞和東部去維和，以後我們不要在西部生事了，做一個歐洲的附庸國，然後在中國背後捅一刀諸如此類的事情，重新贏得西方的歡迎好不好？
Lán ē-tàng kóng lóng sī
Putin to̍k-chhâi, chit-má lán chū-iû-phài tong-koân, tōa-sià choân-kok, kā í-chá
Putin koaiⁿ ji̍p-khì kaⁿ-ga̍k ê gân-sek-kek-bēng-chiá lóng pàng chhut-lâi.
Thé-chè lāi-té ê chū-iû-phài, cha̍p-goe̍h-tóng kah thé-chè gōa-kháu ê
chū-iû-phài, hoán-tùi-Putin-phài, li̍p-hiàn-bîn-chú-tóng, tàu-tīn cho͘-sêng
liân-ha̍p chèng-hú, lí khòaⁿ án-ne kám-hó? Án-ne ê bîn-chú, che sī in ē-tàng chò
ê soán-te̍k.
我們可以都說是普丁獨裁，現在我們自由派當權了嘛，大赦全國，把以前普丁關進監獄裡的顏色革命者都放出來，體制內的自由派、十月黨人和體制外的自由派，反對普丁派立憲民主黨，組成聯合政府，你看好不好？諸如此類的民主。這是他們可以做的選擇。
Tong-jiân in mā ē-tàng
soán-te̍k ûi-hō͘ kah Putin ê bêng-iok, kah i kā choân-bîn tiàu-peng-chè kah
kun-sū kang-gia̍p úi-oân-hōe bú khí-lâi, án-ne Russia tō ū kàu-gia̍h e chu-goân
kè-sio̍k phah lo̍h-khì—ah.
當然他們也可以選擇維護跟普丁的盟約，跟他好好地把全民徵兵制和軍事工業委員會搞起來，這樣俄羅斯就有足夠的資源繼續打下去了。
Chit-ê soán-te̍k,
chióng-ak tī Russia kóa-thâu chhiú-tiong, m̄-sī tī se-hong ā-sī Putin
chhiú-tiong.
這個選擇，掌握在俄羅斯寡頭的手裡面，並不掌握在西方或是普丁手裡面。
Lán ká-tēng in koat-tēng
kè-sio̍k phah lo̍h-khì, sòa—lo̍h-lâi kàu kin-nî kôaⁿ-thiⁿ, Russia khai-sí ki-hng,
Rub pián-ta̍t kàu chi̍t sian lóng m̄ ta̍t ê sî-chūn, in iū-koh ài bīn-tùi tē 2 kái
ê soán-te̍k: Kám ài tùi choân-bîn si̍t-hêng phòe-kip-chè?
然後我們假定他們決定繼續打下去，然後等到今年冬天，俄羅斯開始鬧飢荒，盧布的價值貶得一文不值的時候，他們又要面臨第二的選擇：要不要對全民實施配給制。
Phòe-kip-chè ē kā Russia
keng-chè húi-tiāu, m̄-koh nā-bô phòe-kip-chè, ta̍k-ke lóng chiàu chhī-tiûⁿ
kè-siàu bé pháng, sàn-chia̍h-lâng bé bōe-khí pháng, in ná-ū khó-lêng m̄
chō-hoán? Nā-sī si̍t-hêng choân-bîn peng-ia̍h-chè, sàn-chia̍h-lâng tō sī
chêng-sòaⁿ sū-peng ê tōa-pō͘-hūn, sū-peng chhiú-tiong the̍h-tio̍h bú-khì, in kám
ē-tàng thun-lún in tī chhù-lāi ê bó͘-kiáⁿ oa̍h-oa̍h-iau-sí, koh bô the̍h in ê
chhèng tùi tio̍h chèng-hú? Phòe-kip-chè ē kā Russia keng-chè húi-tiāu, m̄-koh
ē-tàng pó-chèng sàn-chia̍h-lâng chiām-sî ē-tàng chia̍h-pá, chêng-sòaⁿ kun-sim
chiām-sî ún-tēng. Lí koh soán-te̍k chi̍t-ē, kám ài si̍t-hêng phòe-kip-chè?
配給制會毀了俄羅斯經濟，但是如果不實行配給制的話，大家都按市場價錢買麵包的話，窮人買不起麵包，他們怎能不造反？而實行全民兵役制，窮人就是前線士兵大部分，士兵手裡拿著武器，他們能夠容忍，他們在家鄉的妻子和兒子活活餓死而不拿著他們的槍對著政府嗎？實行配給制會毀了俄羅斯經濟，但是保證窮人暫時還能吃飽，前線軍心暫時穩定。你在選擇一下吧，要不要實行配給制。
Nā-sī bô-ài si̍t-hêng
phòe-kip-chè, án-ne tī chiàn-cheng koh chìn-chi̍t-pō͘ sit-pāi chìn-chêng, hoat-seng
chèng-piàn chò-tiāu Putin. Nā-sī koat-tēng ài tòe leh Putin kiâⁿ, án-ne tō
si̍t-hêng phòe-kip-chè, phòe-kip-chè tòng kòe kin-nî kôaⁿ-thiⁿ, tán-kàu mê-nî
chhun-thiⁿ m̄-koán án-nóa lóng ē san-khêng hái-kiat. Kàu-sî Russia ê kóa-thâu
chi̍p-thoân lóng ē tòe tio̍h Putin tàu-tīn sí-khì, Russia tè-kok tō ài
li̍h-heng sàn-kah.
如果不實行配給制，那麼在戰爭進一步失敗以前，發生政變做掉普丁吧，如果決定跟著普丁走，那就決定實行配給制吧，實行配給制再熬過這個冬天，等到明天春天無論如何都會山窮水盡。這時候俄羅斯的寡頭集團將會跟著普丁一起死，俄羅斯帝國將會土崩瓦解。
Cheh-tiám tō sī chit 2 ê,
2 ê cheh-tiám lóng chióng-ak tī Russia kóa-thâu chhiú-tiong. Koh khah òaⁿ, lí ē-tàng
tī che 2 ê cheh-tiám, kin-nî chhun-thiⁿ kah kin-nî chhiu-tang, che 2 ê cheh-tiám
chò-tiāu Putin, cheng-chhú kiat-sok chiàn-cheng ê siau-hàu; mā ē-tàng tòe tio̍h
Putin kiâⁿ, tī mê-nî chhun-thiⁿ gêng-chiap Russia tè-kok ê chóng-pang-húi.
節點就是這兩個，兩個節點都掌握在寡頭手裡面。你再晚，你可以在這兩個節點，今天春天和今年秋冬，這兩個節點當中做掉普丁，爭取結束戰爭的消耗；也可以跟普丁走到底，在明年春天迎接俄羅斯帝國的總崩潰。
M̄-koán án-nóa, che lóng
kan-na sī thêng-to͘ khin-tāng ê būn-tê niā, tō sǹg Russia tī kin-nî 4 goe̍h
thêng-chiàn, phòa-pāi ê Russia kun-tūi kiaⁿ mā í-keng bô hoat-tō͘ ûi-chhî
Tiong-a ê ti̍t-sū—ah, Tiong-a it-tēng ē tāi-loān, kī-tāi ê ap-le̍k ē teh tī
Tiong-kok tī lāi-A ê pian-hông kun-thâu téng-koân. Chit-má bô lâng thè Tiong-kok-lâng
hun-tam ap-le̍k—ah, Bí-kok-lâng mā chá tō m̄-koán—ah.
但是無論如何，就是說是只是個程度輕重的問題，即使俄羅斯在今年四月停戰，殘破的俄羅斯軍隊恐怕也已經無法維持中亞的秩序了，中亞一定大亂，巨大的壓力會壓在中國在內亞的邊防軍頭上。現在沒有中國人分壓了，美國人也早就撒手不管了。
Nā-sī tāi-chì hoat-tián
kàu siōng hāi, kin-nî kôaⁿ-thiⁿ chiah hoat-seng chèng-piàn, tiông-sin kiàn-li̍p
ê Kerensky chèng-hú bô it-tēng ū châi-tiāu phiah-bián Russia li̍p-khek sòaⁿ-bông-bông.
Nā-sī tán-kàu mê-nî chhun-thiⁿ, Russia chèng-hú chiah tó-tâi, án-ne Russia tō
sī lân-bông ê 1918 nî, choân-kok lóng sī bú-chèng-hú chōng-thài, liân oán-tang
lóng sī put-boán ê kok-chióng chū-li̍p ûi-ông ê to̍k-li̍p kiōng-hô-kok kah
to̍k-li̍p kun-hoa̍t.
如果事情發展到最糟，今年冬天才發生政變的話，重新建立起來的克倫斯基（Alexander Kerensky）政府未必會有能力避免俄羅斯立刻四分五裂。如果等到明天春天，俄羅斯政府才垮臺的話，那麼俄羅斯就是難忘的1918年，全國都是無政府狀態，連遠東都是不滿的各種自立為王的獨立共和國或者是獨立軍閥。
Ùi Ussuri kang it-ti̍t
kàu se-A ê kui-ê pian-kéng lóng su-iàu tiōng-peng hông-siú—ah, che tō sī
chi̍t-ê O-hêng ê pau-ûi-khoan—ah. M̄-koán án-nóa, Tiong-kok kin-nî tō ài
bīn-tùi kī-tāi ê pian-kéng ap-le̍k, tī siōng hāi ê chêng-hóng-hā, tāi-lio̍k
chiàn-cheng ē liōng-chìn-chêng po̍k-hoat. Kui-ê Tiong-kok ê pak-sòaⁿ kah se-sòaⁿ,
lóng ē piàn-chó chiàn-tiûⁿ. Che tō sī Tiong-kok biān-lîm ê kio̍k-bīn, Tiong-kok
chit-má iah ū hoat-tō͘ chi-chhî Russia, m̄-koh poe-chúi chhia-sin, bô-kàu pó͘-siông
Russia sún-sit ê Au-chiu chhī-tiûⁿ.
從烏蘇裡江一直到中亞的整條邊境都需要重兵防守，這就是一個O形包圍圈了。無論如何，中國今年都要面對著巨大的邊境壓力，在最糟糕的情況之下，大陸戰爭會提前爆發。整個中國的北線和西線，都將變成戰場。這就是中國面臨的局面，中國現在支持得了俄羅斯，但是杯水車薪，是不足以抵償俄羅斯損失的歐洲市場的。
M̄-koh Tiong-kok chím choân-pō͘
ê le̍k-liōng iah-koh ēng tī hō͘ Si̍p-Kīn-pêng liân-jīm téng-koân, tī Si̍p-Kīn-pêng
liân-jīm chìn-chêng, tī chheng-lí hoán-tóng chi̍p-thoân chìn-chêng, Tiong-kok
kok-lāi ê chèng-tī chêng-sè m̄ iông-ín Si̍p-Kīn-pêng tōa-kui-bô͘ kái-piàn
kái-kek khai-hòng lâu lo̍h-lâi ê siā-hōe kiat-kò͘. Chit ê siā-hōe kiat-kò͘ hō͘
Tiong-kok bô hoat-tō͘ kā chu-goân chi̍p-tiong kàu kun-sū téng-koân, só͘-í
Tiong-kok chiok pháiⁿ èng-hù lāi-A hit-pêng ê pian-hoān.
但是中國整個目前的全部精力都還用在習近平連任上面，習近平在連任之前，在清理反黨集團之前，中國國內政治情勢不容許習近平大規模的改變改革開放留下來的社會結構。而這個社會結構使中國不能充分地把資源集中到軍事上來，所以中國很難應付內亞方面的邊患。
Chit-má pâi tō tī Russia
kóa-thâu chhiú-tiong. Góa iah-sī kheng-hiòng Russia kóa-thâu m̄-káⁿ koh lâi
chi̍t-pái 1918 nî, só͘-í tāi-lio̍k chiàn-cheng bōe liân-mi tō po̍k-hoat.
現在牌就落到俄羅斯寡頭手裡面了。我還是傾向於俄羅斯寡頭不敢再經歷一次1918年，因此大陸戰爭還不會馬上爆發。
Ū khó-lêng tī Russia pái-thoat
Putin liáu-āu, koh ē lâu chi̍t-ê chhun-ê chèng-hú lo̍h-lâi, tī se-hong
oân-choân tâu-hâng, m̄-koh tī tang-hong iah ē-tàng heh-kiaⁿ A-chiu-lâng. Tō sǹg
sī oán-tang-kiōng-hô-kok, to̍k-li̍p chhut-lâi, chí-iàu ē-tàng the̍h-tio̍h Ji̍t-pún
ê châi-chèng chi-oân, châi-chèng téng-koân khiā ē ún, i ê thih-kah-chhia
pō͘-tūi ia̍h-sí ē-tàng kauh-pêⁿ kái-hòng-kun. Só͘-í Russia tī tang-hong
ia̍h-sí tōa-kok, í-āu i kài ū khó-lêng tàu-tīn hun-koah Tiong-kok, in-ūi i tī se-hong
ê lō͘ í-keng bô-khì—ah. Che sī siōng ū khó-lêng ê kio̍k-bīn.
可能俄羅斯在擺脫普丁以後，還會留下一個殘餘政府，在西方完全投降，但是在東方還能夠震懾亞洲人。即使是遠東共和國，從獨立出來，只要他能夠得到日本的財政援助，財政上能夠站得住腳，他的坦克部隊仍然能輾平人民解放軍的。所以俄羅斯在東方仍然是個大國，然後他很有可能加入將來瓜分中國的行列，因為西方這條路已經死了。這是最有可能出現的局面。
Nā-sī àn-chiàu chit-khoán
kio̍k-bīn, tian-tò sī Russia ē-tàng ûi-chhî chi̍t-ê tang-hong tōa-kok kah
se-hong ka-lé ê phòa-sàm kio̍k-bīn; Tiong-kok ài tn̄g chi̍t-ki chhiú, m̄-koh
iah m̄-bián liân-mi tō tī lāi-A phah chi̍t-tiûⁿ tāi-lio̍k chiàn-cheng.
而按照這種局面的話，反倒是俄羅斯可能維持一個東方大國、西方魁儡的殘破局面；中國將會折斷一條手臂，但是還不需要在內亞立刻打一場大陸戰爭。
Án-ne, kī-tāi ê sún-sit
mā ē hō͘ kái-kek khai-hòng thé-chè bô hoat-tō͘ ûi-chhî, Si̍p-Kīn-pêng thé-chè
tú-chiah chiūⁿ-tâi, tō pit-su chhiūⁿ chit-má bī-lâi kúi-ko͘-goe̍h ê Putin
kāng-khoán, khoài-sok chéng-ha̍p chu-goân, choán-chò chiàn-sî thé-chè, sòa-lo̍h-lâi
chiàn-sî thé-chè chō-sêng ê pang-húi, ē sú i tī thài-pêng-iûⁿ téng-koân
bō͘-hiám chhōe ki-hōe.
那麼，但是巨大的損失也使得改革開放體制無法維持，習近平體制剛剛上臺後就必須像現在未來幾個月的普丁一樣，迅速整合資源，轉入戰時體制，而戰時體制造成的崩潰，會使他在太平洋上尋求冒險，因此未來的局勢仍然會先打太平洋戰爭，在太平洋戰爭失敗以後，被動地陷入大陸戰爭。
Nā-sī Putin kian-chhî
kàu-té, it-ti̍t kian-chhî kàu mê-nî, Russia tō ē choân-bīn pang-pāi. Án-ne
tāi-lio̍k chiàn-cheng tō ē tī mê-nî po̍k-hoat, kok-lō͘ kun-hoa̍t ti̍t-chiap
chìn-ji̍p Tiong-kok kéng-lāi. Si̍p-Kīn-pêng chiūⁿ-tâi tō ài phah tāi-lio̍k
chiàn-cheng, thài-pêng-iûⁿ chiàn-cheng kiaⁿ sī éng-oán bōe po̍k-hoat—ah.
但是如果普丁堅持到底，一直堅持到明年，俄羅斯會全面崩潰。那麼大陸戰爭就在明年爆發了，各路軍閥直接進入中國境內。習近平一上臺就要打大陸戰爭，恐怕太平洋戰爭就永遠不會爆發了。
Só͘-í ùi Tâi-oân ê lī-ek
lâi kóng, Putin siōng hó sī ài it-ti̍t chip-chèng kàu sí, kah Russia tè-kok
tàu-tīn sí-khì, án-ne, Tâi-oân tō éng-oán m̄-bián chiàn-cheng—ah, m̄-koh chit-ê
khó-lêng-sèng kài sió. Khah tōa ê khó-lêng-sèng ia̍h-sí Putin tī beh bô
tòng-thâu ê sî-chūn tō hō͘ Russia kóa-thâu chò-tiāu--ah, piàn-chó thè-chōe-iûⁿ.
所以從台灣的利益角度來講，普丁應該一直執政到死，跟俄羅斯帝國一起去死，這樣的話，台灣可能永遠不需要打仗了，但是這種可能性是比較小的可能性。較大的可能性仍然是普丁在快要熬不下去的時候就被俄羅斯寡頭做掉，做為替罪羊。
留言
張貼留言